Hilaren 13an hasiko dira Gipuzkoako Batel Ligako estropadak
Herrialdeko ligak hamabi estropada puntuagarri izango ditu. Gipuzkoako Txapelketa, apirilaren 13 eta 14an San Pedron.
Arraunaren tosta finkoko denboraldia hilaren 13an hasiko da, Gipuzkoako Batel Ligaren lehen estropadarekin. Oriok jasoko du lehen estropada hori. Ligaren barruan hamabi lehia puntuagarri egingo dituzte, eta horietatik bost Oarsoaldean izango dira. Gainera, Gipuzkoako Txapelketa San Pedron jokatuko da.
Oarsoaldeko batelen ordezkaritza San Juanek, Hibaikak, San Pedrok eta Trintxerpe-Illunbek osatuko dute. Hondarribia Arraun Elkarteak ez du batelik ateratzen.
Honakoa da 2024ko Gipuzkoako Batel Ligaren estropaden zerrenda:
- Hilaren 13an, Orion.
- Hilaren 28an, San Pedron.
- Otsailaren 4an, Zumaian.
- Otsailaren 18an, Donostian.
- Otsailaren 25ean, Trintxerpen.
- Martxoaren 3an, Tolosan.
- Martxoaren 10ean, Getarian.
- Martxoaren 17an, Donostian.
- Martxoaren 23an, Donibane Lohizunen.
- Martxoaren 24an, Donibanen.
- Apirilaren 7an, Errenteria-Oreretan.
- Apirilaren 13an, San Pedron. Aldi berean, Gipuzkoako Txapelketarako sailkapen estropada izango da.
- Apirilaren 14an, Gipuzkoako Txapelketa San Pedron.
