Iraupen eski ikastaroa antolatu du Urdaburuk
Hilaren 27an eta 28an egingo du ikastaroa Urdaburu Mendizale elkarteak; plaza kopurua mugatua da.
Aurreko urte bateko iraupen eski ikastaroko artxiboko irudi bat. Argazkia: Urdaburu Mendizale elkartea Iraupen eski ikastaroa antolatu du Urdaburu Mendizale elkarteak hilaren 27 eta 28an, helduei zuzendua. Monitore lanetan, Urdaburuko kideak ariko dira, eta ikastaroa egin nahi ez dutenek, eskiatzera soilik joateko aukera ere izango dute. Espainiako Zubia, edo Val D’ Azunen (Okzitania) egingo dute jarduera, elurraren arabera, eta Lourdes inguruan egingo dute lo.
Bazkide ez direnentzat 85 euro balio ditu irteerak, eta bazkide direnentzat berriz, 75 euro. Prezio horren barruan dira forfaita eta ostatua, gosaria barne. Afaria non izango den eta horren prezioa aurrerago zehaztuko duela esan du Urdaburuk. Eskiatzeko materiala ez duenak, eskiak eta botak, elkartean bertan aloka ditzake, eta hilaren 23an eta 25ean pasa beharko dute elkartearen egoitzatik materiala erreserbatzeko.
Irteera 07:00etan egingo dute Zumardiko autobus geltokitik, eta 07:05ean Lintzirinen ere egingo dute geldialdia. apuntatzen den jendearen arabera, gainera, Irunen gelditzeko aukera ere aztertzen ari dira. Hori horrela, formularioan aukera hori adierazteko eskatu dute antolatzaileek. Izena emateko garaian, telefono zenbakia eta posta elektronikoa zehazteko ere eskatu dute.
Azken ohar bat ere eman du Urdaburuk, plazak mugatuak dira, 35 denera.
Izena emateko egin klik hemen.
