Txapela ez, baina lehen mailan aritzeko txartela lortu dute
Aitor Estefanok eta Abel Pichelek ez dute eman finaleko partidan ordura arte erakutsitako maila; 33-40 galdu dute Errepala klubeko Begiristain anaien aurka.
Aitor Estefano gorriz, finalean. Argazkia: Gipuzkoako Euskal Pilota Federazioa Saiatu dira, gogotik baina txapela ekartzerik ez dute izan, azkenik. Atzo jokatu zuten Altzako frontoian Pala Motzeko Bigarren mailako txapelketa Aitor Estefanok eta Abel Pichelek baina ezinezkoa izan zuten txapela etxera ekartzea. aurrez aurre, Errepala klubeko Begiristain anaiak. EPLEko biek ez zuten lortu ligaxkan eta finalaurreko fasean emandako maila bera ematea atzoko partidan, eta Begiristain anaiek berriz, ia akatsik gabeko partida osatu zuten, eta garaipena poltsikoratu.
Tanteatzailearen partzialak ondokoak izan ziren: 2-6, 12-20, 23-30, 33-38, 33-40.
Txapela ez, baina maila igoera lortu dute Estefanok eta Pichelek, eta horrenbestez, Lehen Mailan ariko dira datorren denboraldian.
Trinketa
Gipuzkoako Lehen Mailako Trinkete txapelketako eskuz binakako seniorretan final handirako txartela eskuratu dute Tabernak eta Chiapusok, bestalde. Mundarroren aurka 40-22 irabazita lortu dute finalerako sarbidea. Tabernak eta Chiapusok ligaxka fase ezin hobea jokatu dute.
Azpirozek eta Aranburuk, berriz, ez zuten lortu behar Zanaren aurka garaitzea; 28-40 galdu zuten eta hilaren 28an jokatu beharko dute mailari eusteko partida.
