Arabako biraren 11. etapa antolatu du Urdaburu elkarteak
Ribabellosatik Sobronera egingo dute ibilaldia; sei ordukoa izango da zeharkaldia denera.
Ribabellosako zubia. Arabako Biraren 11. etapa antolatu du Urdaburu Mendizale elkarteak hilaren 20rako. Ribabellosatik Sobronera egingo dute ibilaldia, eta Arabako hainbat herri zeharkatu ditu, tartean, Salcedo, Fontecha eta Larrazuri. Sei ordukoa izango da zeharkaldia denera. Hemen klik eginda ibilbidearen gaineko informazioa kontsulta daiteke.
Irteera 07:30ean izango da Zumardiko autobus geltokitik—Panier— eta 07:45ean Aritzetatik.
Izena eman nahi dutenek Urdabururen egoitzara jo behar dute astearte eta ostegunetan 19:00etatik 21:00etara edo egun eta ordu beretan 943 52 78 79 telefono zenbakira deitu. Online ere eman daiteke izena.
