Auzo batzarrei ekingo die udalak astelehenean
Bi urtetik behin egiten duen auzo batzarren dinamika abiatuko du udalak astelehenean, eta martxoaren 6ra arte herriko 15 auzoetako bizilagunekin bilduko da.
Azipea Oategi (erdian) Maite Gartzia eta Bernar Lemos zinegotziekin auzo batzarrak aurkezten gaur. Bi urtetik behin egiten duen auzo batzarren dinamika abiatuko du udalak astelehenean, eta martxoaren 6ra arte herriko 15 auzoetako bizilagunekin bilduko da. Udala eta herritarren arteko harremana gerturatzeko balio dute batzar horiek, baita auzotarren kezka, proposamen eta ekarpenak lehen eskutik erantzun eta jasotzeko ere Aizpea Otaegik dinamika aurkezteko gaur egin duen agerraldian azpimarratu duenez.
Auzo bakoitzean udalak garatu asmo dituen proiektuen berri emango dute, halaber, eta azken bi urteetan egindakoaren zein aurreko batzarretan hartutako konpromisoen egoeraren berri ere emango diete udal ordezkariek auzotarrei.
Alkateak auzo guztietako batzarretan hartuko du parte, eta harekin batera bi zinegotzi ariko dira, “auzo bakoitzean garrantzitsuenak diren gaiekin lotura duten zinegotziek hartuko dute parte”, gaineratu du Otaegik..
Lehen batzarra astelehenean, hilak 15, Lartzabalen egingo dute Haritza Auzo Elkartean; asteartean, hilak 16, Agustinak auzoak hartuko du lekukoa, eta auzo elkartean izango da batzarra. Asteazkenean, hilak 17, Gabierrotako Auzo Elkartean egingo du udalak batzarra. Guztiak, 18:00etan hasiko dira.
Astez aste zabalduko du udalak batzarren daten berri, herritarrei gogorarazteko, hala ere gaur datak zehaztu dituzte.
- Lartzabal: hilak 15, astelehena, 18:00etan auzo lokalean.
- Agustinak: hilak 16, asteartea, 18:00etan auzo lokalean.
- Gabierrota: hilak 17, asteazkena, 18:00etan auzo lokalean.
- Zamalbide: hilak 24, asteazkena, 18:00etan auzo lokalean.
- Beraun: hilak 31, aseazkena, 18:00etan Aldakoenean.
- Olibet: otsailak 5, astelehena, 18:00etan auzo lokalean.
- Iztieta-Ondartxo: otsailak 6, asteartea, 18:00etan auzo lokalean.
- Kaputxinoak: otsailak 7, asteazkena, 18:00etan auzo lokalean.
- Erdigunea: otsailak 21, asteazkena, 18:00etan Reina aretoan.
- Igantzi: otsailak 22, osteguna, 18:00etan auzo lokalean.
- Gaztaño: otsailak 26, astelehena, 18:00etan auzo lokalean.
- Pontika: otsailak 28, asteazkena, 18:00etan auzo lokalean.
- Galtzaraborda: martxoak 4, astelehena, 18:00etan auzo lokalean.
- Alaberga: martxoak 5, asteartea, 18:00etan auzo lokalean.
- Fanderia: martxoak 6, asteazkena, 18:00etan auzo lokalean.
