Errenta mailaren araberako hobariak eska daitezke
Hilaren 1etik indarrean daude Lezoko ordenantza fiskal berriak. Ordenantza horietan, besteak beste, uraren, estolderiaren eta zaborraren tasetan hobariak aurreikusi ditu udalak.
Hilaren 1etik indarrean daude Lezoko ordenantza fiskal berriak. Ordenantza horietan, besteak beste, errenta mailaren araberako hobariak aurreikusi ditu Lezoko Udalak, uraren, estolderiaren eta zaborraren tasetan.
Hobari horiek eskatzeko “ezinbestekoa” da tasen ordainagirien titularra izatea. Hobarien eskariak urtean zehar aurkeztu daitezkeen arren, tramiteak “azkartu eta errazteko”, urtarriletik otsailera bitartean aurkeztea gomendatu du udalak.
Hobariak bi modutara eska daitezke: Herritarren Arreta Zerbitzuko bulegoan edo telematikoki. Alokairuan bizi diren pertsonen, eta, hortaz, ordainagirien titularrak ez direnen kasuan, udal erakundeak gogorarazi du hobariak jaso ezingo dituzten arren, Gizarte Zerbitzuetatik eskaintzen diren laguntzen onuradunak izan daitezkeela, bertan ezarritako baldintzak betetzen badira. Interesdunek Gizarte Zerbitzuetara deituta lor dezakete informazio osagarria (943 52 10 94).
