Haurrak eskiatzen jarriko ditu Urdaburuk
Haurrei begirako iraupen eski ikastaroa egingo du mendizale elkarteak otsailaren 3an.
Haurrei begirako iraupen ikastaroaren beste urte bateko irudia. Argazkia: Urdaburu Mendizale Elkartea Haurrei begirako iraupen eski ikastaroa antolatu du Urdaburu Mendizale elkarteak. Otsailaren 3an egingo du ikastaro hori, Somporten, —Okzitania eta Espainiako Estatuaren artean dago, Aspe haranean—.
2008 eta 2014 urte artean jaiotako haurrei zuzenduta dago ikastaroa eta haur bakoitzeko gutxienez arduradun bat joan beharko da, eta arduradun bakoitzak, gehienez ere, hiru haurren kargu har dezake. Ikastaroaren prezioa 30 eurokoa da haurrentzat, eta 50 euro helduentzat. Prezio horren barruan, autobusa, sarrera, eta bi orduko ikastaroa sartzen dira. Helduen kasuan, ikastaroa aukerakoa da eta horretarako taldea osatu beharko da. Ikastarorik gabe irteeraren prezioa 35 eurokoa da. Elkarteko materiala erabiliko dute eta haurren kasuan, alokairua prezioaren barruan sartzen da; helduen kasuan, bazkide ez direnek, materiala alokatzea ordaindu egin beharko dute.
Bazkideek izena emateko epea amaituta badago ere, bazkide ez direnek, hilaren 19ra arte egin dezakete izena ematea. Izena emateko, galdetegia bete behar da. Egin klik hemen.
Izena eman ondoren, datuak egiaztatuta, korreoa jasoko dute izena eman dutenek onartuak zian direla esateko eta irteeraren gaineko informazio gehiago emateko. Behin mezu hori jasota elkartearen kontu korrontean ordainketa egin beharko da, inoiz ez aurretik.
