Ate irekien saioak Orereta Ikastolan
Hilaren 30ean eta otsailaren 1ean egingo ditu Orereta Ikastolak ate irekien saioak, matrikulazio kanpainari begira.
Orereta Ikastolako Baso Eskola Orereta Ikastola ezagutzeko ate irekien saioak antolatu dituzte hilaren 30ean eta otsailaren 1ean Esmalteriako eraikinean; euskaraz izango da lehena, eta gaztelaniaz bigarrena, biak, 17:30ean.
Haur Hezkuntzako familiei zuzendutako jardunaldiak izango dira, izan ere 2024-25 ikasturterako matrikulazio kanpaina otsailaren 7tik 23ra izango da. Jada zabalik dute talde txikitako bisitetan parte hartzeko eta bakarkako hitzorduetarako eskaerak online, ikastolaren webgunearen bidez. Egin klik hemen.
Webgune horretan ikastolaren zein matrikulazio garaiaren gaineko xehetasunak kontsultatu ahalko dira gainera.
0-18 urte arteko “kalitatezko hezkuntza proiektu propio euskalduna, Euskal Herrikoa, eraldatzailea eta burujabea” dela Orereta Ikastolarena zehaztu dute ikastolatik, “Euskal Herrian, euskaran zein euskal kulturan oinarritua, eta beste hizkuntza nahiz kulturei irekia”. Irabazi asmorik gabeko herri onurako kooperatiba izanik, etengabeko hobekuntzaren eta ikastolako komunitate osoaren elkarlanaren fruitua dela gaineratu dute, “herritik herriarentzat sortua”.
Beste hainbat ezaugarri ere jarri dituzte lehen lerroan, “hezkuntza beharretara egokitutako eraikin eraberritua, etxeko jatorduak, tutoretza eta orientazio proiektu sendoak, baso eskola propioa eta CAG ikasgelak ditu Orereta Ikastolak, besteak beste”.
