'Herri txiki, infernu handi', Zamalbiden
ETB1eko saiokoak Zamalbide auzoan ziren auzoan eta auzotarrekin grabazioak egiten. Bildutakoa hilaren 25ean (osteguna) aurkeztuko diete.
ETB1ek Zamalbiden begia jarri du. Zehazki, Herri txiki, infernu handi saioak. Izan ere, saiorako materiala biltzeko aurretik auzoan eta auzotarrekin ibilitakoak dira Miren Nogales seta Mikel Pagadi aurkezleak, eta hori guztia auzotarrei erakutsi nahi diete, beti bezala umorez. Hala, auzoan jasotakoen ikus-entzunezkoaren proiekzioa egingo dute hilaren 25ean, osteguna, 19:30ean auzoko pilotalekuan. Pilotalekuko emanaldi hori, aldi berean, grabatuko dute, ondorenean ETB1en emateko: igandetako 22:00etan emititzen dute saioa. Aurrerago jakinaraziko dute ostegunean grabatutakoa noiz botako duten.
Saioa edonor joan daiteke, irekia da. Programaren arduradunek HITZAri esandakoaren arabera, eserleku asko jarriko dituzte emanaldirako. Baina baldintza bakarra jarri dute: bertan izango direnek 18 urtetik gora izan behar dute.
Zamalbideko topaketan Miren Nogales eta Mikel Pagadi aurkezleek bakarrizketak egingo dituzte, eta ohikoa denez, Sebastian Lizaso bertsotan ariko da. Noski, pantaila handian auzoan grabatutakoak zabalduko dituzte.
