Auzoz auzo ibiliko dira txistulariak otsailean ere
Pontika eta Alabergan ariko dira eta otsailaren 25ean umeentzako kontzertua egingo dute Niessen Kulturgunean.
Igandero hutsik egin gabe egiten dute diana txistulariek. Udal Txistulari Taldeak otsailean emango dituen emanaldien berri zabaldu du Udalak. Otsailaren 4an, Pontika auzoan egingo du diana . Ohi bezala Herriko Plazatik abiatuko dira 09:00etan, auzoko kaleak txistu doinuz alaitu eta Herriko Plazan bukatuko du. Santa Ageda bezpera izanik, egunari lotutako doinuak joko ditu taldeak, Santa Ageda herrikoia, eta Agate Deuna herrikoia ere.
Otsailaren 18an egingo dute diana berriro, oraingoan, Alaberga auzoan. Juan Jose Santestebanen Pudente eta Jose Ignazio Ansorenaren Txantxiku zortzikoak joko dituzte.
Otsailaren 25ean, berriz, umeei begirako kontzertua egingo du Udal Txistulari Taldeak Niessen Kulturgunean. 12:30ean izango da emanaldia, Bea Larrañaga Pailazo errenteriarrarekin batera. Luis Aranbururen Artzaren ehiza, Francisco Madinaren Nahi eta ezin, Manuel Gainzaren Uso Zuria, Jose Ignazio Ansorenak moldatutako Zirkoaren sonatatxoa, Zazpi jauziak herrikoia, Isidro Ansorenaren Isturin, eta Txolarte, Zuberoako maskarada herrikoia, eta Luis Urteagaren Kinkirrinera.
