Galiziara joateko bidaia antolatzen ari dira, harremanak estutzeko
Martxoaren 31tik apirilaren 6ra bitartean joango dira Lugo eta Ourenseko txokoak ezagutzera, Xose Estevez gidari dutela. Izena emateko epea, hilaren 16ra arte.
Iaz egin zuten bidaian Rosalia de Castroren etxea ezagutu zuten. Oiartzuar talde bat Galizian izan zen iaz, batez ere Coruña eta Pontevedrako hainbat txoko ezagutzen,. Bertara joateko akuilu izan zen Manuel Martinez hil zela ehun urte bete zirela. Kontxa Murgiaren semea zen Martinez. Rosalia de Castro Fundazioak antolatutako poesia-emanaldi batean izan ziren, besteak beste.
Iazkoa errepikatu nahi dute berriro, baina oraingoan Lugo eta Ourense probintzietako tokiak ezagutu nahi dituzte. Xose Estevez Oiartzunen bizi den galiziar jatorriko historialariak egingo ditu cicerone lanak.
Hilaren 16ra arte izango da izena emateko epea. Hamar toki geratzen direla jakinarazi dute. Iazko kostua 800 eurokoa izan zen pertsonako. Izena emateko edo informazio gehiago lortzeko 652 57 82 62 telefono zenbakira (Jaione) deitu beharko da.
Egitaraua
Martxoak 31, igandea
- Goizeko 07:00etan irteera, Haurtzaro Ikastolako aparkalekuan.
- Oiartzun-Quiroga-Lugo bidaia, mikrobusean.
- Bidearen erdi aldean, Ponferradan, bazkalduko dugu, norberak etxetik ekarritakoa.
- Gero, Quirogan Xose eta Maribel jaso ondoren Lugora joango gara eta bertan hartuko dugu ostatu.
Arratsalde, ilunabarra Lugo ezagutuko dugu pixka bat, bertako harresiak. - Afaria, norbere kontu.
Apirilak 1, astelehena
- Goiz partean bisitatuko dituzten tokiak:
- Arratsaldean Outeiro de Rei udalerrira joango dira eta han Casa-Museo Manuel Maria (poeta ospetsua) bisitatuko dute.
- Gaua Lugoko hotelean igaroko dute.
Apirilak 2, asteartea
- Gosaldu ondoren, Lugotik Ourensera joango dira eta bertan ostatu hartuko dute.
- Bisitatuko dituzten tokiak, besteak beste:
- As Burgas. Ourense hirian dauden ur termalen iturburuak dira.
- Ourenseko Katedrala, San Martini eskainia, hiriko monumentu erlijioso nagusia da. XI. eta XIII. mendeen artean eraikia.
- Gaua Ourenseko hotelean igaroko dugu.
Apirilak 3, asteazkena
- Gosaldu ondoren, Allariz eta Armea bisitatuko dituzte. Allariz Ourensetik 23 km-ra dago. Herri ikusgarria da. Bere hiribildua Galizia barruko hiri-multzo interesgarriak osatzen du, 1971ean Multzo Historiko Artistiko izendapena merezi izan zuena.
- Armeako kastroa eta erromatarren garaiko villa ezagutuko dute gero.
- Gaua Ourenseko hotelean igaroko dute.
Apirilak 4, osteguna
- Gosaldu ondoren, Bandeko erromatarren garaiko termak bisitatuko dituzte. Bertan bainatu daiteke.
- Itzuleran, Celanova bisitatuko dute, bereziki Monasterioa eta Castro Mao, 2018an interes kulturaleko ondasuna gisa izendatua.
- Gaua Ourenseko hotelean igaroko dute.
Apirilak 5, ostirala
- Gosaldu ondoren, autobusa hartu eta Oseirako Santa Maria Monasterioa bisitatuko dugu. Han, Estevezen laguna den Pascual Abalo fraideak egingo ditu gidari lanak. Zortzi mendeko historia egin ondoren oso egoera onean kontserbatzen da.
- Luintran bazkalduko dute.
- Arratsaldez, Ribas de Sileko Santo Estevo monasterioa bisitatuko dute. Galiziako ondare monumental aberatsaren multzo nabarmen eta ikusgarrienetako bat da. XII. eta XVIII. mendeen artean eraiki zuten.
- Azkenik, Castro Caldelas herria bisitatuko dute.
- Gaua Ourenseko hotelean igaroko dute.
Apirilak 6, larunbata
- Goizean gosaldu ondoren, Quiroga herrira abiatuko gara, Xose eta Maribel han uzteko. Gero, Oiartzun aldera joango dira, Bidean bazkaltzera geratuta.
