Pontikako aparkaleku eraikin berrian plazak eskatzeko epea, zabalik
Zozketa bidez esleituko dituzte plazak, eta izen ematea elektronikoki zein presentzialki egin daiteke.
Pontikako aparkalekuen obra. Argazkia: Herri Bizia Pontikako aparkaleku eraikin berrian plazak eskatzeko izena emateko epea zabaldu du, eta martxoaren 4ra arte izango da zabalik. Eraikin berri horrek, autoak aparkatzeko 180 toki ireki izango ditu eta motorrentzako sei. Autoentzako plazetatik 66 eta motorrentzako guztiak lau urterako aldi baterako erabilera baimenen bidez erabiltzeko izango dira; beste 31 plaza 50 urterako emakida bidezko aparkalekurako izango dira; autoentzako plazetatik 6 mugikortasun murriztua duten pertsonentzako gordeko dira, horietatik hiru txandakako aparkalekurako, bi alokairurako, eta bat emakidarako.
Gainerako 83 kotxeentzako plazak txandakako aparkalekurako izango dira.
Eskaerak elektronikoki hemen klik eginda aurkeztu daitezke, edota aurrez aurre Zu arreta zerbitzuan ohiko ordutegian.
Prozesuan parte hartzeko, eskaera beteta eta sinatuta aurkeztu beharko dute eskatzaileek, baita interesdunaren NANaren fotokopia ere. Desgaitasuna dutenek ere, ziurtagiria aurkeztu beharko dute. Gidatzeko baimena indarrean izan beharko da eskaera egiteko unean, baita plazaren xede den ibilgailuaren zirkulazio baimena. Eskabidean adierazitakoarekin bat etorri beharko dute egiaztatutako dokumentuetan agertzen diren helbideak.
Zozketa bidez esleituko dira plazak. Esleipenerako ordena ere zehaztu dute. Albistearen amaieran kontsulta daiteke.
Prezioak
Aparkalekuen prezioen berri ere eman du udalak. Hala, emakida bidezko plaza bat eskuratzeko prezioa 17.545 eurokoa izango da, gehi hiruhileko bakoizteko 50 euroko mantenu kuota. Autoentzako lau urterako aldi baterako plazen prezioa, berriz, 55 eurokoa izango da hilean, eta 75 fidantza jarri beharko dute interesdunek. Motorrentzako lau urterako aldi baterako plazen prezioa, berriz, 25 euro hilean izango da.
Prezio guztiak urtero eguneratuko dira osoko bilkuraren akordio bidez, lurpeko aparkalekuei dagozkien gainerako prezioekin batera udalak jakinarazi duenez. Informazio gehiagorako, interesdunek 943 44 95 88 telefono zenbakira deitu dezakete edota posta elektronikora mezua bidali. Klikatu hemen.
1.- Honako kaleetan bizi diren egoiliarrak eta garaje plazarik ez dutenak:
– Beraun kalea 1, 3, 5, 7, 9, 11, 13, 15, 17, 19 21, 23, 25, 27, 29C, 29E, 29D
– San Marko gunea 1
– Arramendi pasealekua 3, 5, 7, 11, 13, 15, 17, 19, 21, 23, 25
– Norberto Almandoz kalea 1, 3, 5
– Galtzaraborda etorbidea 35, 37, 39, 41, 45
– Jesus Guridi kalea 1, 3, 5, 7, 9, 11
– Juan krisostomo Arriaga kalea 1, 3, 5
– Igantzi kalea 34
– Arditurri kalea 1, 3, 5, 7, 9, 11
– Pontika kalea 2, 4, 6, 8, 10, 12, 14
– Miguel Zabaleta kalea 1, 2, 3, 4, 8, 10, 11, 12, 13
– Altxu kalea 1, 3
– Jose Miguel Barandiaran kalea 1, 3, 9, 11, 13
– Zabaleta Anaien kalea 1,2, 3, 4
– Maria Lezo kalea 8, 10, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 37, 39
– Tulle kalea 1, 2, 3, 4, 5, 6, 7, 8
– Morrongilleta kalea 9, 11, 13, 24, 26, 28, 30, 32
– Aralar plaza 1, 2
– Urbasa kalea 2
2.- Kale horietan bizi diren pertsonen artean zozketa egin ondoren plaza hutsak badaude, bigarren plaza bat lagatzeko baimena emango da.
3.- Oraindik ere hutsik dauden plazak badaude, Errenterian bizi diren gainerako pertsona fisikoek ere izango dute eskubidea.
4.- Halere plaza huts libreak badaude, eragin-eremuan benetako egoitza duten merkatari, enpresaburu edo profesional diren pertsona fisiko eta/edo juridikoek ere izango dute plazak erabiltzeko eskubidea.
