Aurtengo kamisetarako marrazki bila dabil Sanpedrotarra Arraun Elkartea
Otsailaren 16ra bitarte bidali daitezke irudiak. Kamiseta more baten gainean inprimatuko dute irudi irabazlea.
2024ko kamisetarako marrazki bila hasi da Sanpedrotarra Arraun Elkartea, hirugarren lehiaketa abiatu berri dute. Hilaren 16a (ostirala) izango da irudiak aurkezteko azken eguna. Irabazlea nor den, berriz, martxoaren 16an jakinaraziko dute, orduan aurkeztuko baitute kamiseta more berria.
Partaide bakoitzak marrazki bakarra ahalko du aurkeztu, helbide honetara bidali beharko dira, JPEG edo PDF formatuetan. Paperean egindakoak digitalizatu beharko dira aurkezteko baina originala gordetzeko eskatu dute antolatzaileek. Marrazkia kolore bakarrean egin beharko da, kamiseta more baten gainean inprimatuko dute gero.
Marrazki onena egiten duenak sari sorpresa izango du, noski, bere irudia kamisetan inprimatuta ikusteaz gainera. Partaide guztien artean zozketak ere izango direla aurreratu du klubak. Marrazki sasriduna, gainera, klubaren parte izango da betiko, hark izango baitu jabetza.
