'Bizi inauteriak' erakusketa, gaurtik zabalik
Inauterien hasierarekin batera zabalduko dute gaur 'Bizi inauteriak' erakusketa Xenpelar Etxean.
Gaur arratsaldean zabalduko dute erakusketa eta hilaren 17ra arte bisitatzeko aukera izango da. Gaur zabalduko dute Bizi Inauteriak erakusketa Xenpelar Etxean, Inauterietako jai batzordeak antolatuta. Udalerriko inauterien esentzia islatzea helburu, batzordeak herritarrei dei egin zien mozorro festarekin lotutako albisteak helaraz zitzaten. Abenduan egin zuen deialdia. Jasotako argazki horiekin osatu dute gaur zabalduko duten erakusketa, baita udal artxibotik eskuratutakoekin ere, edota azken urteotako inauterietako egitaraua osatu duten argazkiekin ere. Gainera, 2015 eta 2020 artean photoclallean egindako argazkiekin proiekzioa antolatu dute erakusketaren barruan.
Hilaren 17ra arte izango da zabalik, astelehenetik larunbatera 17:00etatik 20:00etara.
Erakusketa zabalik den egunetan gainera, herritarrek aukera izango dute gordeta dituzten Inauterietako argazkiak bertara eraman eta eskaneatzeko, Errenteria-Oreretako inauterien ahalik eta artxibo anitzena sortzeko.
