Antxoko sutea: Bizilagun gehienak euren etxeetara itzuliko dira gaur
Udaleko iturriek HITZAri jakinarazi diote A eta B portaletako bizilagunak datozen orduetan itzuliko direla. C eta Dkoak zain daude, eta solairuartekoak ezingo dira oraindik itzuli.
Atzoko sutearen irudi bat. Pasaiako Udaleko iturriek HITZAri jakinarazi berri diotenez, Antxoko Nafarroa hiribideko 16. atariko bizilagun gehienak gaur bertan itzuliko dira euren etxeetara. A eta B portaletako bizilagunak datozen orduetan itzuliko dira, eta C eta D atarikoak iturgin baten azterketaren zain daude, saneamenduko zenbait hodi matxuratu baitira. Azken informazioaren arabera (15:00etan), bidean da iturgina, eta hark erabakiko du behin behineko lanak egin ote ditzakeen, probisionalki erantzun bat emateko.
Euren etxeetara itzuli ezingo diren bakarrak erretako lokalaren goiko solairuarteko egoiliarrak dira. Udala haiekin harremanetan dago, alternatiba bat eskaintzeko lanean.
13:15ak inguruan piztu zen sutea, behealdeko lokal batean, aspalditik jarduerarik ez duena.
Sutearen jatorriari dagokionez, ez dago inolako konfirmaziorik oraindik.
