Crowfunding bat abiatu dute 'Ombuaren itzala'-k argia ikus dezan
Pello Mari Otaño bertsolari zizurkildarraren bizitza jaso dute filmean. Patxi Bisquert da arduraduna, eta Juanba Berasategi zenarekin ondu zuen filmaren ideia. Auzolanean ekoitzi dute proiekzioa.
Argazkia: Verkami. Ombuaren itzala Pello Mari Otaño Barriola bertsolari zizurkildar handiaren bizitza jaso duen filma da. Aitortza egin diote bere ibilbideari, eta auzolanetik egikaritu nahi dute proiektua. Patxi Bisquert da filmaren arduraduna, eta Juanba Berasategi zenarekin ondu zuen filmaren ideia. Eguzki Art Zinemak ekoitzi du proiekzioa, eta, orain, filmaren finantzazioa osatzeko azken urratsa egin dute: crowfunding kanpaina bat zabaldu dute.
Ekoizleak auzolanaren azken txanpan daudela jakinarazi dute, eta crowfunding kanpainarako webgune bat sortu dute, proiektuari ekarpena egiteko. Ahalik eta jende gehienarengana iritsi nahi dute orain, Ombuaren itzalak argia ikus dezan.
