Touringen urteurrenaren amaiera ekitaldia, ostiralean
100 urte egin zituen Touringek iaz; ostiralean jarriko diete ginga mendeurrenari.
Mendeurrena ospatzeko ekaineko ekitaldiko artxibo irudi bat. Ibilbide luze bezain oparoa Touringek soinean daramana. 100 urte, mendea bete zuen iaz kirol elkarteak eta horren harira, hamaika ekitaldi antolatu zituzten merezi moduan ospatzeko urteurren biribila.
Ospakizun horiei guztiei eta mendeurrenari bukaera jarriko dio orain Errenteria-Oreretako kirol elkarteak. Horretarako ekitaldi berezia antolatu du. 1923-2023 Tourink K.E 100. urteurrena izenburupean, ostiralean —hilak 16— izango da ekitaldi hori Niessen Kulturgunean, 19:30ean.
Touringek deialdi zabala egin du herritarrak bertaratu daitezen, eta denen artean bukaera emateko urteurrenari.
