Pello Añorgaren ipuinekin gozatuko dute 4 urtetik gorako haurrek
Irakurzaletasuna sustatzeko hileroko saioa datorren astelehenean, hilak 19, izango da. Hainbat oharren berri eman dute antolatzaileek.
Hilero ipuin-kontaketa saioa egiten da haurren irakurzaletasuna sustatze aldera, Manuel Lekuona bibliotekak eta Oiartzungo Udalak elkarlanean antolatuta.
Otsailari dagokiona datorren astelehenean —hilak 19— izango da. Pello Añorga izango da ipuinak kontatzeko ardura hartuko duena, liburutegiko beheko solairuan. 17:00etan hasiko da saioa, eta 4 urtetik gorako haurrei zuzendutakoa izango da.
Hainbat ohar eman dituzte antolatzaileek, saioa “atsegina” izan dadin. Honakoak dira:
- Garaiz etorriko eta atea itxita baldin badago ez gara sartuko, saioren haria ez eteteko.
- Saioaren aurretik edo ondoren meriendatuko dugu.
- Adina errespetatuko dugu, kontalariak adin tarte baterako prestatzen baitu saioa.
- Kasu honetan lau urtetik gorako haurrentzat izango denez, helduok ez gara gelara sartuk.
