Xanistebanetako lehen jai batzordea, hilaren 22an
18:00etarako deitu dituzte batzordekideak bilkurara. Ordu eta erdiko saioa izango dela aurreratu du udalak.
Iaz jai batzordean ibili zirenen talde argazkia. Gauzak garaiz egiten hastea bezalakorik ez da. Horri jarraiki, Oiartzungo Udalak 2024ko Xanisteban Jaiak prestatzeari ekin nahi dio. Horretarako konpetentziadun eragilea Oiartzungo Jai Batzordea da. Beraz, udalak batzordekideek dei egin die herriko festak antolatzeko lehen topagunera: hilaren 22ko (osteguna) 18:00etarako egin dute zita, udaletxean. Ordu eta erdiko saioa izango dela aurreratu du udal erakundean.
Bilkuran udal teknikariek 2023ko xanistebanen balorazioa egingo dute, eta hobekuntza proposamenak ere azalduko dituzte. Gainera, festen baloreen gaineko hausnarketa partekatzeko asmoa dute udal teknikariek.
Lehen jai batzordea 22an izango da. Hurrengoak apirilaren 11koa eta maiatzaren 9koa izango dira.
