Lopeneko konposta gunea tokiz aldatuko dute
Auzotarrek eta udalak adostuta, konposta gunea Lopene plazaren sarrerara lekualdatuko dute. Jada hasi dira lanekin.
Gunea nola geldituko den azaltzeko muntaia. Lopene auzoko bizilagunek eta Lezoko Udalak hala adostuta, auzo horretako konposta gunea tokiz aldatzeko lanak hasi dira: gune berria Lopene plazaren sarreran egokituko dute.
Lopeneko biztanleak eta udala 2023ko abenduaren 12an hasi ziren mamitzen. Egun hartan auzo-konposta gunearen kokaleku berriaren gaineko bilera egin zuten. Gunearen kokaleku berria adosteaz gain, auzo konpostaren eredu bera onetsi zuten bi aldeek. “Hondakin organikoak modu horretan kudeatzeko aukera bermatu behar zaie herritarrei. Bertaratutako bizilagunen iritziak ere bat egin zuen ikuspegi horrekin”, ebatzi du udalak.
Gaur hasi dira eremu berria jartzeko lanekin. Udalak lehenbailehen martxan izatea desio du.
