Ipar martxa eta BTT irteera antolatu ditu Urdaburuk
Urdaburu Mendizale elkarteak ez du atsedenik hartzen. Bi irteera programatu ditu datozen asteetarako; lehenengoa martxoaren 2an egingo du, ipar martxa irteera, zehazki.
Urdaburuk antolatutako ipar martxa irteera baten artxibo irudi bat Urdaburu Mendizale elkarteak ez du atsedenik hartzen. Bi irteera programatu ditu datozen asteetarako; lehenengoa martxoaren 2an egingo du, ipar martxa irteera, zehazki. 15 kilometroko ibilbidea izango da, Villabona-Asteasu-Billabona. Billabonatik Asteasuraino bidegorritik joango dira, eta bertan, kanpandorreko atea bereziki haientzat zabalduko diete. Inguruarekin gozatuta, Errekabailarako bidexka hartuko dute.
Eraman beharrekoak ere zehaztu dizkiete: ura, trekking zapatilak eta ipar martxa makilak.
Lezoko tren geltokian egin dute hitzordua 07:50ean, edo Villabonakoan 08:42an.
Izena emateko epea martxoaren 1era arte izango da zabalik. Izena eman nahi dutenek Urdabururen egoitzara jo behar dute astearte eta ostegunetan 19:00etatik 21:00etara edo egun eta ordu beretan 943 52 78 79 telefono zenbakira deitu. Online ere eman daiteke izena.
BTT irteera
Beste hitzordu bat ere egin du Urdaburuk. izan ere, BTT irteera antolatu du martxoaren 23 eta 24rako. H eta hotzerako edota euritarako arropa eramateko3an, Gasteiztik Kanpezura Vasco-Navarro Trenbidearen bide berdetik egingo dute ibilbidea; hurrengo egunean, berriz, Kanpezutik Garesera joango dira, Santiago bidetik.
Kanpezuko aterpetxean egingo dute lo eta afaria eta gosaria barne izango dute. Parte hartzaileek ez dute lozakurik eraman beharko, bertan maindireak, mantak eta burukoak izango dituztelako. Ibilbiderako motxila txiki bat edo zakutoa eramateko aholkatu du Urdaburuk, “jateko zer edozer eta hotzerako edo euritarako arropa eramateko, badaezpada”.
Ibilbidearen zailtasuna ertaina da, zailtasun teknikorik ez badu ere, desnibel positibo eta negatiboak dituztelako malda batzuk. Lehenengo etapa 43 kilometrokoa da, eta bigarrena, 54 kilometrokoa. Ordaindu beharrekoa, berriz, 90 euro bazkide ez direnek, eta 85 euro bazkide direnek. 30 lagunentzako plaza dago, eta izena emateko epea, bihar zabalduko dute martxoaren 5a arte . Izena eman nahi dutenek Urdabururen egoitzara jo behar dute astearte eta ostegunetan 19:00etatik 21:00etara edo egun eta ordu beretan 943 52 78 79 telefono zenbakira deitu. Online ere eman daiteke izena.
Irteera, martxoaren 23an 07:30ean egingo dute Niessen ondoan dagoen autobus geltokitik.
Azken ohar bat ere egin du elkarteak, parte hartzaileek bizikleta egoera onean eraman beharko dute, eta autobusean sartu aurretik aurreko gurpila kenduko zaio. Ordezko kamara eramatea gomendatu dute, halaber.
