Datorren astean izango dira Gaztaño eta Pontikako Auzo Batzarrak
Gaztañora otsailaren 26an hurbilduko da udal gobernua, eta hilaren 28an Pontikara. Agintaldian zeharreko proiektuak aurkeztuko dituzte.
Auzo Batzarren dinamikak ez du etenik. Datorren astean, hala, udal gobernua Gaztaño eta Pontika auzoetara hurbilduko da. Gaztañoko hitzordua astelehenean izango da, hilaren 26an, arratsaldeko 18:00etan. Bizilagunak Auzo Lokalean elkartuko dira alkate eta zinegotziekin. Izan ere, Aizpea Otaegi alkateaz gain, Bernar Lemos eta Yolanda Martin zinegotziek parte hartuko dute.
Pontikako Auzo Batzarra, ordea, asteazkenean izango da (hilaren 28an), 18:00etan ere, Auzo Elkartean. Bertan Aizpea Otaegi, Bernar Lemos, Yolanda Martin eta Leire Mazizior arituko dira.
Bilera hauen bidez, udalak auzotarren premia eta kezkak jaso nahi ditu, eta agintaldi honetarako auzo horietan garatu asmo dituen proiektuak azalduko dituzte ere.
