Lezoarrak eta andoaindarrak nagusi Oiartzungo Aurresku Txapelketan
11 eta 13 urte arteko kategorian, lezoarrek bete dituzte podiumeko hiru tokiak. Jurgi Errandonea, irabazle 14 ea 15 urteko mailan.
Lur Lacasta eta Jurgi Errandonea dantzariak. Elizalde Dantza Taldeak antolatuta, Oiartzungo Aurresku Txapelketa egin zuten atzo, udaletxeko pleno aretoan. Gipuzkoako Aurresku Liga barruko saioa izan zen atzokoa.
Bi sailetako dantzariek hartu zuten parte, A Sailekoek (8-9-10 urtekoak) eta D Sailekoek (14-15 urtekoek). A saileko dantzariek, Ormatxulo eta Agurra dantzak eskaini zituzten; eta D sailekoek berriz, Betronio handia eta Aurkez aurke.
Epaimahaia Maria Ferreiro, Nagore Indakoetxea eta Jose Luis Vallejo osatu zuten, eta honakoa izan zen ebatzitakoa:
- Saria: Lur Lacasta (Lezo).
- Saria: Hugo Haro (Lezo).
- Saria: Gorane Villa (Lezo).
D. Saila (14-15 urtekoak)
- Jurgi Errandonea (Andoain).
- Julen Lertxundi (Asteasu).
- Danel Castillo (Pasai Donibane).
A Sailean Oiartzungo dantzari batek parte hartu zuen, Irati Perezek.
Gipuzkoako Euskal Dantzarien Biltzarrak gogorarazi duenez, urtarrilaren 13an hasi zen liga, eta hurrengo saioa martxoaren 10ean jokatuko dute Elgoibarren.
Saila bakoitzeko ongien sailkatutako dantzariek Euskal Herriko Gazte mailako Aurresku txapelketan parte hartuko dute. A eta B sailakoek, Maiatzaren 25ean, Errenterian eta D sailakoek berriz, Maiatzaren 18an Legazpin.
-
- Parte-hartzaile guztiak.
-
- Irati Perez dantzari oiartzuarra.
