Oiarperen asteburuko partiden emaitzak (2024-02-27)
Oiarpeko pilotariek 21 norgehiagoka jokatu dituzte asteburuan, eta gehienak irabazi dituzte (11). Gaur itxiko da jardunaldia, beste partida batekin.
Oiarpeko pilotariak, abuztuan ateratako argazki batean. Oiarpeko pilota elkartekoen asteburuko kartelera 22 partidek osatu dute, eta horietatik 21 jokatu dituzte asteburuan; bat falta da biribiltzeko. Oiartzungo klubeko pilotariek gehienak irabazi dituzte, 11.
Balantze positibo horretan Madalensoro pilotalekuan jokatzearen faktoreak ez du pisu berezirik izan. Izan ere, 11 partida jokatu dituzte Oiartzungo kantxan, eta horietako bostetan nagusitu dira Oiarpekoak.
Asteburuko fase guztiak lehen edo bigarren faseetakoak izan dira. Gaur jokatuko den norgehiagoka da asteburuko kanporaketa bakarra. Oihan Etxeberriak Soraluzeko Etorkizuneko Pilotariak kategoriako lau t’erdiko txapelketako finalerdia jokatuko du, Bergarako pilotalekuan. Iruñeko Oberena taldeko Daniel Sanchez izango du arerio. Finalerako txartela lortzeko buruz burukoa 19:30ean hasiko da.
Asteburuko partiden emaitzak ikusteko, egin klik esteka honetan.
