Korrikaren lekukoa eramango duten antxotarrek talde argazkia aterako dute
Datorren martxoaren 23 gauean lekukoa eramango dutenek hitzordua dute larunbat eguerdian. Biteri plazan ateratako dute argazkia.
Orain dela bi arte ateratako irudia errepikatuko dute larunbatean. Datorren martxoaren 23ko gauean Korrikaren lekukoa eramango duten Antxoko eragileek talde argazkia aterako dute larunbatean (martxoak 2). Biteri plazan elkartuko dira antxotarrak, 13:00etan.
Bide batez, Korrika Batzordeak gogorarazi du Korrikaren arropa erosteko azken aukera izango dela larunbatean.
Gauez helduko da euskararen aldeko festa ibiltari erraldoia. Buenavistatik iritsiko da lekukoa herrira, antxotarrek hartuko dute lehenik. AEK-k aurreikusitako ordutegiari erreparatuz, 22:50ak inguruan sartuko da 23. Korrika Antxora. Barrutia zeharkatu ondoren Trintxerpe eta San Pedrorako bidea hartuko du. Portura iristean une magiko batez gozatzeko aukera izango dute beste behin pasaitarrek: ontziz pasako baita lekukoa Pasai Donibanera. Bertatik Lezora joango da Korrika, 23:33ak inguruan sartuko dela aurreikusi du AEK-k.
