korrika
Martxoaren 23ko egun handia baino lehen, Korrika asko Lezon
Martxoaren 23ko gauean iritsiko da 23. Korrika Lezora. Aurretik, baina, hainbat beroketa ekitaldi antolatu ditu Korrika Batzordeak.
21. Korrikaren harira, lehenengoz egin zen Lewzon Dinokorrika, 2019ko apirilaren 11n. Martxoaren 14 Irunen hasiko da 23. Korrika, eta Lezora martxoaren 23ko 23:30 pasatxo direnean iritsiko da. Korrikaren zirrara ez da egun horretara mugatuko, ordea. Lezoko Korrika Batzordeak hainbat ekitaldi antolatu ditu beroketa ariketa gisara. Ondoko zerrendakoak dira:
- Martxoak 7 (osteguna). 18:00etan eta Oroitzene AEKn geldituta, Euskarari arnas lelopean pago-kimuen landaketa egingo dute.
- Martxoak 9 (larunbata). Goiz-eguerdian, Gurutze Santuaren plazan, kuestazioa eta peto nahiz banderolen salmenta gunea. Photocall-a ere jarriko dute.
- Martxoak 13 (asteazkena). 18:15ean, Oroitzene AEKn, Harro herri kantu tailerra.
- Martxoak 15 (ostirala). 19:00etan, Oroitzene AEKn, petoen banaketa eta brindisa.
- Martxoak 21 (osteguna).
- Goizean, Lezoko Renfeko geltokitik abiatuta eta plazarantz, Dinokorrika (adinekoen Korrika).
- 19:00etan, Gezala Auditoriumean, Lander Garroren Oihaletxea dokumentalaren emanaldia, eta solasaldia.
- Martxoak 22 (ostirala).
- 12:00etan, Pasaia-Lezo Lizeoaren Donibaneko egoitza nagusitik abiatuta eta Lezorantz, Korrika Gaztea.
- Arratsaldean, Goiko Plazatik abiatuta, Korrika Txikia.
- Martxoak 23 (larunbata). Korrika Lezora iritsiko da gauean. Aurretik, baina, egun osoko egitaraua prestatuko du Korrika Batzordeak (aurrerago emango dituzte egitarauaren xehetasunak). Horren barruan soka-tira txapelketa antolatu dute, 16 urtetik gorakoentzat, eta gutxienez sei kideko taldeekin. Soka-tiran parte hartu nahi duten kuadrillek 626 146 639 telefono zenbakira deitu behar dute izena emateko.
- Martxoak 24 (igandea). Baionako bukaerara joateko autobusak aterako dira Oarsoaldetik. Horien gaineko xehetasunak hemen.
Erlazionatutako edukiaKorrikaren bukaerara joateko autobusa antolatu du Oarsoaldeko AEK-k
