Talentua eta lanaren zentzua, euskaraz
Enpatikonomia jardunaldia antolatu du Oarsoaldea Garapen Agentziak hilaren 15erako Oiartzungo Zinealdean, laugarrenez.
2022ko Enpatikonomia jardunaldiaren une bat. Ingurua eta ingurukoak kontuan hartzen dituen ekonomia inklusiboa da enpatikonomia. “Jarduera ekonomikoaren inguruko pertsonen eta errealitatearen zaintza negoziorako aldagaien artean sartzen ditu. Haiekiko enpatiaz eta ez apatiaz jarduten duena da ekonomia enpatikoa. Gure inguruko pertsonak eta errealitatea ongi egoteak eta ongi sentitzeak, gure negozioan eragin positiboa izango du, dudarik gabe”, azaldu du Oarsoaldea Garapen Agentziak. Horri jarraiki, Enpatikonomia izeneko jardunaldia antolatu du, laugarrenez, hilaren 15erako eskualdeko garapen agentziak. Oiartzungo Zinealdeak jasoko du topaketa, eta egitarauaren barruko interbentzio den-denak euskaraz izango dira.
09:00etan hasiko dira jardunaldiaren barruko hizketaldiak, Joana Mendiburu Oiartzungo alkatearen sarrera-hitzaldiarekin. Ondoren hainbat mahai-inguru, hitzaldi eta proposamen izango dira (beheko koadroan dago egitarau oso-osoa). Ekitaldiaren bukaera aldera, 13:15ak inguruan, aitortza egingo zaie lantokian euskarari sarbidea egin dioten Oarsoaldeko enpresei, oroigarri bat emanaz. Hala, Bai Euskarari, Harrobi edo Bikain ziurtagiriak dituzten enpresak aitortuko dituzte.
Laugarren Enpatikonomia topaketaren izaera zehatza azaltzeko datu gehiago azaldu ditu Oarsoaldea Garapen Agentziak: “Jardunaldi honen helburua egungo enpresa-panoraman talentuaren erronka aztertzea eta eztabaidatzea da. Talentua bilatzeak eta atxikitzeak dakartzan erronkei aurre egiten lagunduko diguten ezagutzak, esperientziak eta estrategiak partekatzeko aukera izango da. Beren esperientziak eta jardunbide egokiak partekatuko dituzten profesionalen testigantzak izango ditugu, eta inspirazio gisa balioko digute”.
Bertan izateko izena eman behar da. Klik egin hemen eta izen-emate orrira joateko aukera izanen da. Bestalde, hara joatekoak direnentzat galdetegia prestatu dute, jardunaldia hobeto prestatzeko.
09:00 SARRERA
- Joana Mendiburu Garaiar (Oiartzungo Alkatea)
09:10 Lanaren Zentzua
- Miren Larrea Aranguren (Orkestra – Lehiakortasunerako Euskal Institutua – Ikertzaile seniorra eta Deustuko Unibertsitateko irakaslea)
- Unai Elorza Iñurritegi (Mondragon Unibertsitatea – Goi Eskola Politeknikoko irakaslea)
09:45 Mahai-ingurua
- Miren Larrea (Orkestra – Lehiakortasunerako Euskal Institutua – Ikertzaile seniorra eta Deustuko Unibertsitateko irakaslea)
- Iñaki Ezkurra (Basque Trade & Investment – Nazioartekotzeko Euskal Agentzia – Enpresentzako finantza-laguntzen eta talentuaren arduraduna)
- Nerea Zamacola Garate (ADEGI – Lan Harremanen zuzendaria)
- Beñat Irasuegi Ibarra (Talaios Kooperatiba – Bazkide sortzailea eta kudeatzailea)
10:15 Praktika onak
- Igor Olague Ansa (Fundiciones Aizpurua SA – Gerentea)
- Uxune Alustiza Lizarazu (ERAKIDE – Erakidetuz lantaldeko aholkularia)
- Amaia Atxukarro Goñi (Bai Euskarari Elkartea – Aholkularia)
ATSEDENA (30 minutukoa)
11:15 Talentua sortu, erakarri, garatu, kudeatu… Prestatutako pertsonak:
- Jon Landeta Rodriguez (EHU – Ekonomia eta Enpresa Fakultateko irakaslea)
11:45 Mahai-ingurua
- Jon Gurrutxaga Mongelos (Gipuzkoako Foru Aldundia – Berrikuntzako eta Internazionalizazioko zuzendari nagusia)
- Ainhoa Etxaide Amorrortu (LAB sindikatua – Formazio alorreko Eskola feministaren arduraduna)
- Uxoa Aizpuru Urdalleta (Don Bosco ikastetxea – Mugikortasunaren departamentuko alor burua eta Mugikortasun Seguru eta Iraunkorrerako Prestakuntza Goi mailako zikloko irakaslea)
- Ibai Kortabitarte Jauregi (Oarsoaldea Garapen Agentzia – Ekonomia eta lurralde garapen teknikaria)
- Iraitz Perez de Goldarazena Urkiola (Oreka IT – Zuzendari nagusia)
- Erika Gonzalez Roman (SALTO Systems – GGBB teknikaria)
- Txuss Alfonso Paskual (ABB-Niessen – Administraria)
13:00 Aitortza ekitaldia: Bai Euskarari / Harrobia / Bikain
