Antxin Ezkerro EPLEko pilotaria zendu da
Ezkerro 2021-2022 denboralditik ari zen EPLEn pilotari. Doluan dago Errenteriako Pilota elkartea.
Antxin Ezkerro pilotariaren artxiboko irudia. Argazkia: Euskal Pilotako Gipuzkoako Federazioa. Atsekabea zabaldu da EPLE elkartean. Antxin Ezkerro EPLEko pilotaria zendu da. Igande goizaldean hil zen, bat-batean pilota klubak jakinarazi duenez, 58 urterekin oiartzuarra.
2021-22 ikasturtean hasi zen pilotari EPLErekin, eta erreminta saileko kolaboratzailea zen Errepala klubean. Aurretik ibilbide luzea izandakoa pilotari gisa, Girizia Elkartean, Real Sociedad, Endaiarrak eta Txost elkarteetan.
Atzo afizionatu mailan dolu xingolarekin jokatu zuten partida pilotariek, eta Altzako frontoian jokatutako jaialdian, berriz, minutuko isilune hunkigarria egin zuten haren omenez. Hitz goxoak izan ditu EPLEk oiartzuarra gogoratzerakoan, “huts egiteko arriskurik gabe esan dezakegu Antxin pala bat eskuartean sortu zela mundura; halaxe utzi gaitu, pala eta pilota esku artean zituela”.
Ezkerroren balioei ere erreferentzia Errenteriako Pilotaren Lagunen Elkarteak. Haren gizatasuna, umiltasuna, talde izpiritua eta konpromisoa jarri ditu lehen lerroan, “balio horiek guztiak transmititu dizkigu bere kirol ibilbidean pasatako klub guztietan, eta bere izaera horregatik irabazi du guztien errespetua. Eredu bat izan da eta izango da palar ari diren guztiontzat zalantzarik gabe”.
EPLEk doluminak helarazi dizkio Ezkerroren familia eta gertukoei: “Goian bego, Antxin, guztion lagun”.
