Ahoztar Zelaietak Gaztañon aletuko du bere azken liburua
Ahoztar Zelaietak 'La Ertzaintza que viene. Tecnologia de hipervigilancia y capitalismo de consultoria' bere azken liburua aurkeztuko du ostiralean, hilaren 15ean Gaztañoko auzo lokalean 19:00etan.
Ahoztar Zelaietak liburua aurkeztuko du Gaztañon. Ahoztar Zelaietak La Ertzaintza que viene. Tecnologia de hipervigilancia y capitalismo de consultoria bere azken liburua aurkeztuko du ostiralean, hilaren 15ean Gaztañoko auzo lokalean 19:00etan. Gaztañoko auzo Elkarteak antolatutako hitzaldi zikloaren barruan egingo du ikerketa kazetariak aurkezpen hori.
Azken hamarkadan Ertzaintzak teknologia aurreratuak erabili ditu bigilantzia areagotzeko, ikuspegi prediktiboago baten bidez Zelaietak bere liburuan jaso duenez: “Adimen artifiziala, algoritmoak, komunikazioetan esku hartzea, identifikazio biometrikoa, edo abangoardiako bideozaintza sistemak erabilita, besteak beste”.
Teknika horiek giza eskubideekin eta eskubide zibilekin talka egiten dute, ordea, hainbat erakundeek ondorioztatutakoaren arabera egindako hainbat txostenetan. “Modernizazio hori zaintzaren industria pribatuko enpresa handien eskutik heldu da azken urteetan, askotan influentzia handiko aholkularitza enpresen bidez, baita Euskal Herriko eta Espainiako kargu politikoen ate birakari ugariei esker ere”. Zelaietaren azken lanak, Ertzaintzaren garapen teknologikoaren eta “opakotasunaren” berri ematen du.
Aurkezpena, 19:00etan izango da eta antolatzaileek parte hartzera deitu dute.
