Astelehenean, odola emateko aukera Lezon
Odol erauzketak Lezoko anbulatorioan izango dira, 17:30etik 21:00etara. Antolatzaileek bertaratzeko deia luzatu diete herritarrei.
Merkatuzarren egiten dira odol erauzketak, aldez aurretik hitzordua hartuta. Astelehenean, hilak 18, lezoarrek odola emateko aukera izango dute anbulatorioan, 17:30etik 21:00etara. Odol erauzketara bertaratzeko hitzordua astelehen goizean bertan eska daiteke 943 00 78 85 telefono zenbakira deituta. Telefono horren bidez hitzordua lortzen ez dutenek odol erauzketa ordutegi barruan joan beharko dute anbulatoriora, eta bertan galdetu hitzorduren bat libre duten.
Lezoko odol emaileen taldetik odola emateko deia luzatu diete dagoeneko odol emaile direnei eta oraindik erauzketarik egin ez duten herritarrei. Azken urteetan odol erauzketa kopuruak behera egin duela jakinarazi dute antolatzaileek, eta adierazi dute garai bateko zenbakietara itzultzea “beharrezkoa” dela osasun beharrei “erantzun egokia” eman ahal izateko.
