Garaipenak bi finaletan EPLEkoentzat
Erremintako taldekako Euskal Ligan eta Trinketean garaipenak lortu dituzte EPLEko pilotariek.
Eneko Lizarazu EPLEko pilotaria Iruran, txapela soinean. Argazkia: EPLE Bitik bi etxera ekarri ditu EPLEk. Larunbatean Gasteizko Adurtza pilotalekuan jokatutako Taldekako Erremintako Euskal Ligako finalean EPLE Txost baino gehiago izan zen. Ruben, Abel, Yorel, Eiheramendi eta Estefanok osatutako taldeak garaipena lortu zuen eta txapelketa bikain jokatu guztiek. Larruzko Paletan Estefanok eta Rubenek 28-35 irabazi zuten Azpiroz eta Juaristiren aurka. Partida parekatua izan zen. Azken txanpan baino, gehiago izan ziren EPLEkoak eta zazpi tantoko errenta atera.
Pala motzean nahikoa zuten 34 tanto egitearekin txapelak lortzeko, baina EPLEko pilotariek ederki sufritu zuten partidaren une hainbatetan, ia aukerarik gabe zirelako irabazteko. atzetik izan ziren 24-17, 31-22 eta 38-28. Borrokan jarraitu zuten eta 1-12ko azken partzialak borroka hori hautsi zuen. Azkenean 39-40 irabazi zuten Eiheramendik eta Abelek Lertxundi eta Argoteren aurka.
EPLEk zoriondu egin ditu pilotariak: ” Yorel, Ruben, Abel, Eiheramendi eta Estefanok osatutako EPLEren taldea zoriondu. Guztiek txapelketa bikaina egin dute “.
Igandean Iruran jokatutako Gipuzkoako Gazte Mailako eskuz banakako finalean ere garaipena EPLErentzat. Eneko Lizarazuren garaipen handia Behar Zana klubeko Iparragirreren aurka. Emaitzak dena esaten du: 2-35 markagailuan Errenteria-Oreretako klubekoaren alde. Lizarazuren partida perfektua, aurkariari aukerarik eman ez ziona.
