Enpatikonomia jardunaldia, oso arrakastatsua
160 lagunek hartu dute parte joan den ostiralean egindako jardunaldian, eta hamasei hizlari aritu dira talentua eta lana uztartu dituen topaketan.
Enpatikonomia jardunaldia egin dute laugarrenez. Enpatikonomiaren laugarren ekitaldia egin zuten, antolatzaileen arabera, “arrakastatsua”. Pasa den ostiralean egin zuten Oiartzungo Zinealdean. Hirurogei bat lagunek hartu zuten parte bertatik bertara, eta beste ehun bat lagunek EITBk prestatutako streaming bidez egin zuten jarraipena.
Gidari Arantxa Iraola eta Naroa Iturri kazetariak, eta 16 hizlariren jarduna topaketaren barruan; Oskar Estonga bertsolariak laburpen musikatu eta umoretsuak egin zituen.
Lanaren zentzua eta talentua erdi-erdian jarri zituen jardunaldiak, eta horiek nola kudeatu XXI. Mendean enpresa aurreratu izateko. Hitzaldiak, mahai inguruak eta praktika onak baliatuta, talentua ertz askotako gai konplexua dela ondorioztatu zuten parte hartzaileek. Jardunaldi bukaeran, aitortza berezia euskara normalizatzeko batera edo bestera urratsak egin dituzten Oarsoaldeko 28 enpresei. Horietatik bost, presente izan ziren: Niessen ABB, Katea Legaia, ACM arkitektua, Orereta Ikastola, eta Zaharrak Berri; oroigarria jaso zuten udal ordezkarien eskutatik.
Jardunaldiari segida ematekotan gelditu dira, gaiaren gainean hausnartzen jarraitzeko, eta lan ondokoa antolatzeko asmoa du Oarsoaldea Garapen Agentziak. Eguna, lekua eta ordua zehazteko badaude ere, apirilean izango dela aurreratu du.
