Lesoinu, indarrez aurrera
Lesoinuren barruan, asteburu oparoa joan berri dena. Kalean eta Gurutze Santuaren basilikan izan dira emanaldiak.
Landarbaso Abesbatzakoak, atzo, plazan. Asteburu honetako ekitaldiek indarra eman diote Lezoko musika zikloari, Lesoinuri. Herriko Aste Pedagogiko Musikalaren XXXVIII. ekitaldia da aurtengoa. Ostiralean, Lesakako Giltzarri abesbatzak kontzertua eman zuen Gurutze Santuaren basilikan; larunbatean kantu jiraren irteera izan zen eguerdian, eta Errenteria-Oreretako Ebanjelari Iztieta Abesbatzaren gospel kontzertua arratsaldean herriko plaza nagusian. Atzo (igandea) berriz, Orioko Danbolin eta Lezoko Tomas Garbizu musika banden kontzertua jaso zuen Gurutze Santuaren plazak eguerdian, eta arratsaldean, Euskal Herrian izen etab talentu handienetakoa duen Errenteria-Oreretako Landarbaso abesbatzak kontzertu ahaztezina eskaini zuen herriko elizan.
Aste honetako egun guztietan daude herrian Lesoinuren barruko emanaldiak. Hala, gaur, akuofonia tailerra (lau txandatan) eskaintzen ari da Pau Eliasek Gezalan, eta ondoren, 19:00etan, kontzertua emango du. Biharkoak eta beste guztiak non eta zer orduan diren jakiteko, ikus beheko zerrenda.
-
- Landarbaso Abesbatza, atzo.
-
- Larunbateko kantu jira.
-
- Ostiralean Giltzarri (Lesaka) abesbatzaren txanda izan zen.
Lesoinu 2024. Egitaraua.
- Gaur (astelehena): Tailer akofonikoa Pau Eliasekin, Gezala auditorioan. Lau txanda: 12:35ean, 13:35ean, 17:00etan eta 18:00etan.
- Gaur (astelehena): Pau Eliasen kontzertu akofonikoa. 19:00etan, Gezala auditorioan.
- Bihar (asteartea): Tomas Garbizu Musika Eskolaren kontzertua. 10:30ean, Gezala auditorioan.
- Etzi (asteazkena): Zinema: Sing street filma, Lezoko Zinema Ttikiaren eskutik. 18:00etan, Gezala auditorioan.
- Martxoak 21: Tomas Garbizu Musika Eskolaren kontzertua. 10:30ean, Gezala auditorioan.
- Martxoak 22: Ipuin musikala Tomas Garbizu Musika Eskolako ikasleekin. 10:30ean, Gezala auditorioan.
- Martxoak 23: Barañaingo Canciones de siempre eta Lezoko Sutargi Abesbatzen kontzertua. 13:00etan, Gurutze Santuaren plazan.
- Apirilak 27: Kamerata Oiasso eta Irene Sagarzazuren orkestra kontzertua. 19:00etan, Gezala auditorioan.
- Maiatzak 11: Ukelele ikastaroa Marcos Feijooren eskutik. 11:00etan, Musika Eskolan.
- Maiatzak 11: Kantujira. 12:30ean, Aiton Bordatik abiatuta.
- Maiatzak 11: Musika eta dantza emanaldia: Euskal Herriko Gazte Ikasleak, Tomas Garbizuko taldeak, Zubitxo eta Murixka Dantza Taldea. 19:00etan, Gezala auditorioan.
- Maiatzak 12: Gaztela eta Leongo Musika Eskolen elkarteko banden kontzertua. 12:30ean, Gurutze Santuaren plazan.
