Gipuzkoako Batel Ligan, lau garaipen Pasaiara
Bina garaipen eskuratu dituzte San Pedrok eta San Juanek atzo Donostian egindako estropadan.
Aurtengo Gipuzkoako Batel Ligako artxiboko irudia. Argazkia: Sanpedrotarra Arraun Elkartea. Atzo (igandea) jokatu zen Donostiako Urumean 2024ko Gipuzkoako Batel Ligako zortzigarren jardunaldia, Donostia Arraun Lagunak elkarteak antolatua.. Lehian izan ziren zortzi kategorietatik, lautan pasaitarrak garaile: San Pedro mutilen Haur Mailan eta mutilen Promesa Mailan, eta San Juan nesken Promesa Mailan eta absolutuetan.
- Mutilen Haur Mailan nagusitasun osoz irabazi zuen San Pedrok, bigarren izan zen Zarautz Ari 26 segundoko aldea aterata (5.09ko denbora egin zuten moreek). Maila horretan Illunbe laugarren izan zen.
- Nesken Haur Mailan, berriz, Hernani izan zen irabazle, San Pedro A laugarren, eta moreen B ontzia seigarren.
- Mutilen Promesa Mailan (kadeteak dira), lehia estua San Pedroko eta San Juango A ontzien artean, azkenean Kalparrakoen alde bideratu zena ia bi segundoko aldeagatik. Maila horretan San Juan B laugarren izan zen, San Juan C zazpigarren, San Pedro C hamabigarren, eta San Pedro B hamahirugarren.
- Nesken Promesa Mailan San Juan A irabazle. Beherago sailkatu ziren San Juan B (seigarren), San Pedro B (hamargarren), Illunbe (hamabosgarren), San Pedro C (hamazazpigarren) eta San Pedro B (21. postuan).
- Mutilen gazte Mailan Hibaika izan zen irabazle, eta San Pedroko B eta A ontziak hirugarren eta laugarren hurrenez hurren. Seigarren izan zen San Juan.
- Nesken Gazte Maila: Hibaika irabazle, eta San Juan A hirugarren.
- Mutilen absolutuetan Donostiarrak irabazi zuen, San Pedro bigarren izan zelarik, eta San Juan laugarren.
- Azkenik, emakumeen absolutuetan, San Juan azkarrena.
Urumeako estropadako emaitza guztiak ikusteko klik egin hemen.
Gipuzkoako Batel Ligako sailkapen nagusia zertan den ikusteko klik egin hemen.
