Landarbaso bigarren Asturiasko Habanera txapelketan
Asteburuan egin zuten Candaseko (Asturias) Haur eta Gazteen Habanera lehiaketa.
Dizdizka abesbatza bigarren Asturiasen. Argazkia: Landarbaso abesbatza Bigarren sariarekin itzuli da Dizdizka Landarbasoren barruko gazteen abesbatza Asturiastik, Haur eta Gazteen Habanera eta Itsas Kantu Txapelketan parte hartu ondoren. Oholtzara igotzen eta abesten lehen taldea izan zen Dizdizka. Maddalen Dorronsorok zuzenduta, Candas —nahitaezkoa lehiaketan— Rosita de un verde palmar habanerak abestu zituzten, baita Nawba (Juan Pablo de Juan) eta Mutil txaleko gorri junkal Guerrero) ere.
Epaimahaiak, nabarmen jarri zuen lehiaketan parte hartu zuten abesbatzek erakutsitako “kalitatea, eta Landarbasoren Dizdizka abesbatzaren kasuan, lehen saritik oso gertu gelditu zela esan zuen.
Landarbasoren helduen abesbatza ere gona bete lan asteburuan. Usurbil eta Lezon egin ditu emanaldiak abesbatzak, erlijio-musika eta folklorea uztartuta. Askotariko emanaldi exijenteaz gozatzeko aukera izan zuten entzuleek, batean zein bestean.
Igandean berriz, erabat finkatuta duen Hesia urratutik ikuskizuna emango du Landarbaso abesbatzak Victoria Eugenia antzokian, Joxan Goikoetxea akordeoi jotzailearekin batera.
Kontari Landarbasoren Haur Abesbatzak berriz, apirlaren 5ean egingo du emanaldia Aix Les Bainsen—Savoia—, Mouv Ton Choeur lehiaketan.
