Euskararen aldeko lana aitortuko diete Pilartxo Olaskoaga eta Mikel Ugalderi
Joxepa Antoni Aranberri anitzeneko lekuko txanda Pilartxo Olaskoaga eta Mikel Ugaldek eramango dute Lau Haizetara Euskaltzaleon Topagunearen izenean.
Anitzenearen kilometroan lekukoa eramango dute Olaskoagak eta Ugaldek, Lau Haizetaren izenean. Une eder ugari utziko ditu Korrikak beste behin ere, hunkigarriak, zalantzarik gabe. Errenteria-Oreretan barrena egingo duen bidean, halako bi une utziko ditu, gutxienez, biak kilometro beraren barruan, 2653an hain zuzen ere. Lehena, Biteri kaleko 30ean, Xenpelar AEKren parean izango da. Mikel Martin Conderen omenez, haren senideek eramango dute lekukoa AEK-ko Martinen ikaskideek eta irakasleek hala erabakita. Markatu dute jada kilometro hori, baita Maite zaitugu Mikel! esaldi ederra idatzi asfalto gainean ere.
Horren ostean helduko da hunkigarria izango den beste une bat. Joxepa Antoni Aranberri anitzeneko lekuko txanda Pilartxo Olaskoaga eta Mikel Ugaldek eramango dute Lau Haizetara Euskaltzaleon Topagunearen izenean. Aitortza da hori ere, omenaldi xumea eta ederra euskalgintzari emandako bizi osoa eskertzeko. Lau Haizetara elkartearen sorreraren bultzatzaile izan zen Ugalde, gaur egun bazkide eta elkarteko zuzendaritza taldean aritu zen 1990eko hamarkadan. Fatima Andra Mariaren elizan kristau komunitatearekin lanean aritua, Errenteria-Oreretako inauterietan, urtero elkarrekin ateratzen dira Olaskoaga eta Ugalde kalera umorez, eta batez ere euskaraz bizitzera.
Bizitza hautu bati aitortza izango da lekukoa eramateko aukera, euskararen alde egindako eta gaur egun egiten jarraitzen duten lan eskergari maitasunez eta miresmenaz betetako omenaldi txikia.
