Mila zorion, Petra!
Petra Jimenez Galera errenteriarrak 100 urte bete ditu gaur. Mendea betetzen dutenekin egin ohi duen moduan, udalak goxo-goxo zoriondu du.
Petra Jimenez Galera da irudikoa. Argazkia: Errenteriako Udalak bidalitakoa. Petra Jimenez Galera errenteriarrak 100 urte bete ditu gaur (hilak 23, larunbata). 1924ko martxoaren 23an jaio zen Badajozeko (Extremadura, Espainia) Almendral herrian. Mendea betetzen duten herritarrekin egin ohi duen bezala, Errenteriako Udalak goxo-goxo zoriondu du. Zorionak Petra!
Almendral herrian janari denda baten jabe izan zen Jimenez. Euskal Herrira Juan Estrechal senarrarekin batera etorri, eta Altzako (Donostia) taberna batean izan ziren lanean urte askoz.
Altzako taberna saldu, eta Errenteria-Oreretara etorri ziren bizitzera. Petra Jimenez Galerak hiru seme-alaba ditu, bederatzi biloba, eta beste bederatzi birbiloba. “100 urterekin inoiz baino alaiago eta umore onez dago”, adierazi dute udaletik.
