Bidez Bide garraio zerbitzua arratsaldera zabaldu dute
Astelehenetik aurrera hasiko da zerbitzua ematen arratsaldez ere, uztaila eta abuztuan izan ezik.
Bidez Bide zerbitzua arratsaldez ere eskainiko dute astelehenetik. Argazkia: Herri Bizia Bidez Bide garraio zerbitzua arratsaldera zabalduko dute astelehenetik aurrera Errenteriako Udalak eta Behemendi Landa Garapenerako Elkarteak zerbitzua indartzea erabaki ostean. Goizez bakarrik ematen zuen zerbitzua orain arte, baina aurrerantzean arratsaldez ere erabili ahalko dute, uztaila eta abuztuan izan ezik; bi hilabete horietan ez da arratsaldez erabilgarri izango. Goizeko zerbitzua, baina urte osoan izango da erabilgarri, abuztuan eta Gabonetan izan ezik.
Lanegunetan funtzionatzen du Bidez Bide garraio zerbitzuak, eta adinekoei edota mugikortasun arazoak dituzten biztanleei ematen die zerbitzua. Baita zaintzaileak edo modu puntualean landa ingurunean bizi eta oinarrizko zerbitzuetara hurbiltzeko zailtasunak dituztenei ere. Joan etorriak egiteko erreztasunak ematea du helburu zerbitzuak, besteak beste, osasun zerbitzuak, gizarte zerbitzuak, erosketak edo beste izapideak egiteko.
Hura erabili aurretik ezinbestekoa da egun bat aurretik gutxienez deitzea. Honakoak dira zerbitzuaren ordutegia eta harremanetarako telefono zenbakiak: 07:30etik 13:30era, 690 76 94 66 telefono zenbakia; eta 17:30etik 19:30era 611 72 19 59 telefono zenbakia.
Arratsaldeko zerbitzua Errenteria-Oreretan emango da bakarrik. Gidariak, haur, gazte zein nagusiak eramango ditu aldez aurretik adostutako lekuetara.
