Haur eta Alebin Nesken txapelketa antolatu du Touringek
Egun osoz jokatuko dute txapelketa Haur eta Alebin Mailako hamasei taldek.
![](https://oarsoaldea.hitza.eus/site/files/2018/03/4762es.jpg)
Nesken futbolak hitzordu garrantzitsua izango du bihar. Izan ere, Touring Kirol Elkarteak antolatuta, Haur eta Alebin Nesken Futbol Txapleketa egingo dute egun osoz.
09:00etan hasiko dute lehia eta eguerdira arte izango dira partidak, 14:00ak arte zehazki. Arratsaldean, berriro, futbola erruz Fanderiako zelaian. 15:30etik 19:30era izango dira partidak bigarren txanda horretan. Sarrerak horiek ikusteko, 2 euroan dira salgai.
Haur Mailan, Touring A eta B taldeak, Erreala, Hernani, Dunboa, Mariño, Intxaurdi eta Orioko izango dira zelaian garaipen bila.
Alebin Mailan berriz, Touring A, Zarautz, Allerru, Oiartzun, Aiztondo, Mariño, Intxaurdi eta Orioko lehiatuko dira.