Errepublika aldarrikatuko dute igandean
Pikoketa Errepublikazaleen elkarteak antolatu du ekitaldia; 13:00etan elkartuko dira Alabergako biribilgunean.
Errepublikaren aldeko aldarria egingo dute igandean, hilak 14, Espainiako errepublika egunean. Pikoketa Errepublikazaleen elkarteak antolatuta, ohiko ekitaldiak egingo dituzte. 13:00etan egin dute zita Alabergako biribilgunean, elkarretaratzea egiteko, eta bertatik, Herriko Plazaraino kalejiran joango dira. Plaza horrek hartuko du ekitaldi politikoa 13:45ean, eta jarraian brindisa eta luntxa egingo dituzte.
Errepublika “elkarbizitzarako eta herritarren eskubideen aldeko” antolaketa politikorik “egokiena” dela nabarmendu du Pikoketak, “zerbitzu publikoak jasaten ari diren pribatizazioak, murrizketak eta gainkargari buelta emateko. Errepublikak osasuna, hezkuntza, pentsio duinak, etxebizitza eta memoria historikorako eskubideak bermatu behar ditu”.
