Oarsoaldeko 57.516 herritarrek dute igandean botoa emateko eskubidea
Igandean 09:00etan ireki eta 20:00etan itxiko dituzte bozkatzeko eremuak. Hortik aurrera emaitzen berri ematen hasiko da HITZA.
Parte hartzeak ia dozena erdi puntu behera egin du. Igandean egingo dituzte Eusko Legebiltzarrerako hauteskundeak. Biharko (larunbata) gogoeta egunaren ondoren, 57.516 izango dira botoa emateko aukera izango duten herritarrak Oarsoaldeko lau herrietan (jada korreo bidezko botoa eman dute aukera hori baliatu dutenak).
Errenteria-Oreretan 31.510 izango dira 18 urtetik gora izan eta aurkeztu diren aukera politikoren baten alde egin dezaketenak (horietatik 985 atzerrian bizi dira); Pasaian, berriz, 12.650 hautesle daude erroldan (365 atzerrian bizi direnak), Oiartzunen 8.487 (8.249 herrian bizi direnak, eta 238 atzerrian) eta Lezon 4.869 (90 atzerrikoak).
09:00etan ireki, eta 20:00etan txiki dituzte herri guztietako hautes-mahaiak. Orduan, webgune honen bitartez eta denbora errealean herriz herrikako emaitzak jaso ahal izango dituzte HITZArekin bat egiten dutenek. Ondoren, behin betiko emaitzekin, analisi albisteak egingo ditu Oarsoaldeko euskarazko hedabideak, herriz herri.
2020ko uztailaren 12an izan ziren azkenekoz Eusko Legebiltzarrerako hauteskundeak. Orduko emaitzak ikusteko, klik egin herri bakoitzaren izenean:
