Bi irudi Gaztañoko jaiak ilustratzeko
Aurkeztutako guztien artean bi aukeratu ditu jai batzordeak. Lehenengoz, irudi bat izango du kamisetak, eta beste bat jai egitarauak eta kartelek.
Bi irudi irabazleak. Ezkerrekoa Iker Garciarena da eta kamiseten irudia izango da; eskuinekoa Asier Veintemillasek egina da, eta jai egitaraua eta kartelak ilustratzeko erabiliko dute Baten faltan bi irudi izango dituzte aurten Gaztañoko jaiek. Joan den hilabetean jarri zuen jai batzordeak festak irudikatzeko lehiaketa, eta dagoeneko badute irabazlea. Beno, hobe esanda, irabazleak. Izan ere lehiaketara aurkeztutako lanen artean bi aukeratu dituzte, eta lehenengoz irudi bat erabiliko dute kamiseta egiteko, eta beste bat, berriz, jai egitaraua eta karteletarako.
Kamisetako ilustrazioa Iker Garciak egindakoa da; jai egitaraua eta karteletan azalduko den ilustrazioa, berriz, Asier Veintemillasena. Ez dute lan erraza izan jai batzordeko kideek irudi gustukoena aukeratzeko, “hamabost lan aurkeztu dituzte eta oso pozgarria da. Lehen aldiz, bi irudi aukeratu ditugu bat egokiagoa iruditu zaigu kamisetarentzat, eta bestea berriz, hain koloretsua eta alaia iruditu zaigu egitarauan eta karteletan jartzea erabaki dugula”.
Irudi irabazleen berri ematearekin batera, gaur bertan jaiak prestatzeko bilera egingo duela jakinarazi du bestalde, jai batzordeak. 20:00etan izango da auzo lokalean. aurrerantzean, prestaketarako bilduko dira asteazkenero ordu eta leku berean. Auzotarrak bat egitera deitu dituzte.
