Iztieta eta Ondartxoko festek asteartean egingo dute eztanda
Gurekin Auzo Elkarteak antolatuta, hilaren 30etik maiatzaren 5era arte ospatuko dira Iztieta eta Ondartxoko jaiak.
Diputazio plazan egingo dira jarduera gehienak. Auzoko festen aroa hasi da. Pontikako jaiak martxan dira jada atzotik, eta igandera arte izango dute herritarrek hango jarduerez gozatzeko aukera. Pontikakoak bukatuta, baina, auzoko festak ez dira etengo, Gurekin Auzo Elkarteak antolatuta, Iztietak eta Ondartxok lekukoa hartuko baitiote Pontikari. Iztieta eta Ondartxoko jaiak hilaren 30etik maiatzaren 5era bitartean ospatuko dira, gustu eta publiko guztietarako proposamenekin ondu duten egitarauarekin. Egun horietan ez da aspertzeko aukerarik izango.
Festek datorren astearteko 19:00etan egingo dute eztanda. Duintasuna Jubilatuen eta Pentsiodunen Elkarteak jaurtiko du txupina, Diputazio plazan. Udal Txistularien Bandak Diputazio plazako dantzaldia girotuko du. Halaber, feriak Donostia kalean kokatuko dituztela jakinarazi dute antolatzaileek.
Egitaraua
Apirilak 30, asteartea
- 19:00: Txupinazoa Diputazio plazan. Duintasuna Jubilatu eta Pentsiodunen Elkarteak jaurtiko du. Udal Txistularien Bandak dantzaldia girotuko du.
- 21:00: Kontzertua Diputazio plazan Kick-Kats taldearekin.
- 00:00: Zezen suzkoa Diputazio plazan, danborradako hainbat partaiderekin. Ondoren, ‘In Session 2024’ disko festa, Jai Tokik antolatuta.
Maiatzak 1, asteazkena
- 09:00: Txala diana auzoko kaleetan zehar.
- 12:00: Danborrada. Gurekin Auzo Elkartetik irtengo dira, eta auzoa girotuko dute.
- 14:30: Herri bazkaria Diputazio plazan.
- 17:30: Eskulanak, maskarak eta margoak Diputazio plazan, Elipsisek antolatuta.
Maiatzak 4, larunbata
- 09:30: Amulletako diana auzoko kaleetan zehar.
- 11:00: Ginkana Diputazio plazan, Gurpil Taldeak antolatuta.
- 12:00: Haurrentzako bote eta toka txapelketa Hondarribia kalean.
- 12:00: Toka txapelketa irekia Hondarribia kalean, afizionatu eta federatuentzako.
- 13:00: Tortilla lehiaketa Donostia kalean. Tortillak 10:00etatik 12:00etara entregatu behar dira.
- 16:00: Trizikloekin mugikortasun segurua eta pintura tailer eta haur jolasak, Gurutze Gorriaren eta Kromosomaren eskutik. Jarraian, txokolate jatea haurrentzat.
- 19:00: Bingo jolasa Diputazio plazan, Elipsisek antolatuta.
- 22:00: Kontzertua Diputazio plazan Versos Perdidos taldearekin.
- 00:00: 1980ko hamarkadako berbena gaua Diputazio plazan, Elipsisek antolatuta.
Maiatzak 5, igandea
- 09:00: Diana Udal Txistularien Bandarekin.
- 11:00-12:00: Slot (Scalextric) jardunaldi irekiak, doan.
- 11:30: Erakustaldia eta photocall-a haur pertsonaiekin Diputazio plazan, Elipsisek antolatuta.
- 12:00-13:30: Haurren slot txapelketa (14 urte arte) G. T. auto magnetikoekin, doan.
- 15:30-18:30: Turismo txapelketa-DTM. Izen ematea 4 euro.
- 18:30: Dantza erakustaldia Diputazio plazan, Jai Tokik antolatuta. Jarraian, jaien bukaerako txupina Diputazio plazan.
