Oarsoaldeko bost ontzi Espainiako Batel Txapelketan
Bihar kanporaketak egingo dituzte, eta igandean finalak. Galiziako A Pobra do Caramiñal herrian izango dira estropadak.
San Juanek hiru batel izango ditu Galiziako Espainiakoan. Bihar eta etzi izango da jokoan 2024ko Espainiako Batel Txapelketa A Pobra do Caramiñal (Galizia) herrian. Bihar (larunbata) sailkapen estropadak jokatuko dira, eta igandean finalak. Oarsoaldeko bost ontzik lortu zuten han izateko eskubidea joan den asteburuan Pasaian jokatu zen Euskadiko Batel Txapelketan.
Ordezkaritzarik zabalena San Juan-Koxtaperena izango da, hiru boterekin: nesken Gazte zein Kadete Maietakoak, eta mutilen Kadete Mailakoa. Sanpedrotarra Arraun Elkartearen ordezkaritza nesken kadeteen eskifaiak osatuko du, eta Hibaikak ere ontzi bakarra eramango du Galiziara, nesken Gazte Mailakoena.
Igandeko finalak zuzenean ikusteko aukera izanen da. Espainiako Arraun Federazioak bere Youtube kanalaren bidez emango ditu dominak banatzeko estropadak.
