1.000 eurotik gorako isuna, tamaina handiko hondakinak behar ez bezala uzteagatik
Kezka azaldu du udalak, tamaina handiko hondakinak behar den toki eta orduan utzi dituztelako herritarrek.
Argazkia: Pasaiako Udala / X Pasaiako Udalak sare sozialen bidez hainbat irudi zabaldu ditu. Horietan tamaina handiko hondakinak ageri dira, herritarrek behar ez den tokietan utzitakoak. Horren harira, udal erakundeak oroitarazi du hondakin horiek behar ez den tokian edo ordutegian uzteagatik, 1.000 eurotik gorako isunak jaso ditzaketela gai horien arduradunek.
Horren harira, gai horiek non eta noiz utzi behar diren oroitarazi du udalak. Gune horiek behar bezala seinaleztatuta daude. Honakoak dira eremuak (udaberri-udako ordutegia da indarrean: beheko zerrendako tokietan 20:00etatik 23:00etara utz daitezke hondakinak).
Trintxerpen (astelehenetan):
- Serafin Esnaola plazan (Garbitxokoaren parean).
- Euskadi etorbidean (azoka ondoan).
- Bordaenea 1.
- Jaizkibel kalea, 4.
- Ulia etorbidean, (9. eta 11. atarien parean).
- Ulia etorbidean, (10. eta 12. atarien artean).
- Errenteria kalean (esekitokiak dauden lekuan).
- Azkuene kalea, 44.
San Pedron (asteartetan):
- Torrean (komun publikoen ondoan).
- Arraunlari kalea. (elizaren ondoan).
- Seoaneko Markesaren plazan.
- Rikardo Arrillaga, 5.
- Pablo Enea kalean.
- Kanpitxo kalean (3. eta 5. atarien artean).
Donibanen (asteazkenetan):
- Bizkaia plazan (esekitokien ondoan)n
- Juan XXIII, 5. zenbakian.
- Lezo Bide, 11. zenbakian.
- Bordalaborda, 10. zenbakian.
Antxon (ostegunetan):
- Axular plazan (Luzuriagako parkinaren atarian).
- Gelasio Aranburu, 2 (topoko zubiaren ondoan).
- Zumalakarregi kalean (taxi geltokiaren ondoan).
- Biteri plazan (alkateordetza zegoen tokian).
