Tomas Garbizuko matrikulazio epea, ostegunean zabalik
Hilaren 16ra arte izango da irekita datorren ikasturterako herriko musika eskolan izena eman nahi dutenei begirako eskaintza.
![tomas.garbizu](https://oarsoaldea.hitza.eus/site/files/2017/06/tomas.garbizu.jpg)
Tomas Garbizu Lezoko Udalaren Musika Eskolak jakinarazi du ostegunean zabalduko duela 2024-2025 ikasturterako matrikulazio epea. Hilaren 16ra arte egongo da irekita aukera hori. Izena emateko, nahiz eskolak duen eskaintzaren berri izateko, 943 52 99 99 telefono zenbakira dei daiteke, baita haien posta elektronikora idatzi ere.
Osagaien artean, askotarikoa da Tomas Garbizuko eskaintza orokorra. Honakoa: musika eta mugimendua, musika mintzaira, hezkuntza musikala, talde instrumentala, talde korala, pandero ikastaroa, konbo ikastaroa edo ganbera musikan treba daitezke hala nahi dutenek.
Instrumentu zehatzekin ere egiten dute lan, horretarako irakaslego prestatua baitute. Honakoa instrumentuen eskaintza: trikitia, panderoa, pianoa, klarinetea, saxofoia, txistua, flauta, perkusioa, biolina, biola, akordeoia, tronpeta, gitarra eta bateria.