Lezokoak-en herri paellada, hilaren 11n
Karlos Saldise plazan egingo dute herri paella jatea. Txartelak Lezokoak-en establezimenduetan kontsumitu, eta zozketa bidez esleituko dira.
Iazko paella jatearen irudia. Lezokoak Merkatari, Ostalari eta Zerbitzuen Elkarteak, iaz bezala (ordukoa da ondoko irudia), herri paellada antolatu du hilaren 11rako. Paella erraldoi bat egitea dute asmo egun horretan, bazkaltzeko, Karlos Saldise plazan (14:00etatik aurrera). Baina, nola lor daitezke horretarako sarrerak? Erraza da: Lezokoak-en barruko establezimenduetan erosketa egin edo kontsumitu, eta zozketa batean parte hartzeko txartela emango diete herritar horiei. Txartelak saski batean sartu, eta zozketaren emaitzaren zain gelditu beharko dira. Irabazle asko izango dira, esan bezala, paella oso handia izango delako: txartel zortedun bakoitzak bi errazio hartzeko eskubidea izango du. Bazkarian izango direnenek hainbat zozketatan parte hartuko dute.
Hainbat dira urtean zehar Lezokoak elkarteak antolatzen dituen jarduerak. Denek helburu berbera dute: herrian erosketak egitea beharrezko dela azaltzea, bertako t0kiko ekonomia eta lanpostuei eustea laguntzeko, eta kaleetako bizitza areagotzeko. Hala, elkartekideen asmoa da lezoarrek ematen dieten babes hori saritzea, eta zentzu horretan ulertu behar da herri paella-jatea.
Dozenaka dira paelladarekin bat egin duten establezimenduak. Horietan jardueraren berri ematen duten kartelak jarri dituzte.
