Steamaldia abiatuko du ostiralean Don Boscok
Steamaldia abiatuko du ostiralean Don Boscok. Aurtengoan ere, bi ekitaldi antolatu ditu horren barruan: Steam Azoka eta dbSariak.
Ostiralean erakutsiko dituzte garatutako poriektuak ikasleek Lekuona Fabrikan. argazkia: Don Bosco Steamaldia abiatuko du ostiralean Don Boscok. Aurtengoan ere, bi ekitaldi antolatu ditu horren barruan: Steam Azoka eta dbSariak. Azokan, ikasturtean zehar sortu dituzten proiektuak erakutsiko dituzte Don Boscoko ikasleek Lekuona Fabrikan ostiralean —hilak 10—. 10:00etatik 13:00etara erakutsiko dituzte garatutako proiektu horiek. Ekintza, bereziki, bigarren Hezkuntzako ikastetxeei eskaintzen diete, baina zientzia, teknologia, ingeniaritza, artea eta matematikak gustuko dituen edonor bertaratu daitekeela esan dute antolatzaileek.
Bertaratzeko, gonbidapena behar da.
Erakusketa horren ostean helduko dira dbSariak. Aurtengoa, XI. aldia izango dute eta hilaren 17an ikastetxeko kiroldegian izango da ekitaldia 10:00etatik 13:00etara. Lanbide Heziketa eta Bigarren Hezkuntzako ikasleen artean zientzia, teknologia, ingeniaritza, ekintzailetza, artea eta matematika arloak sustatzeko helburuarekin jarri zituzten martxan dbSariak.
Parte hartzea Bigarren Hezkuntzako eta Lanbide Heziketako ikasleei begirakoa da. Parte hartzeko izena eman behar da (egin klik hemen).
