Hitzaldia, erakusketa eta hausnarketarako espazioa Emakumeen Etxean
Sandra Piñeiro arraunlari profesionalak elikadura nahasmenduen gainean mintzatuko da, eta erakusketak, berriz, emakume migratzaileen errealitatea izango du hizpide.
Sandra Piñeiro arraunlari profesionalak elikadura nahasmenduez hitz egingo du. Sandra Piñeiro arraunlari profesionalak hitzaldia emango du Emakumeen Etxean ostegunean. Elikadura nahasmenduak izango ditu hizpide eliteko kirolariak, hartara buruko osasunaren gaineko hasnarketari bidea zabalduz. Errendimendu handiko kirolaria da Piñeiro, anorexia urduria du eta bere esperientziaz lehen eskutik hitz egingo du. Hitzaldia gaztelaniaz izango da, 18:00etan hasita.
Hori da Emakumeen Etxeak hilabete honetan hartuko duen lehen ekintza, ez bakarra ordea. izan ere, hilaren 15etik 29ra erakusketa hartuko du espazio horrek, emakume migratzaileen errealitatea erakusteko.
Hain gertu eta hain urrun: Migrantas erakusketa, migrazio prozesuei lotutako bizipenetatik sortutakoa da, artea diskriminazio egoera horien erakusleiho bihurtuta.
Erakusketa, Errenteria 11 Kolore jaialdiaren programazioaren barrukoa da, eta Emakumeen Etxearen ordutegian izango da zabalik: astelehen eta ostiraletan 09:00etatik 13:00etara, eta asteartetik ostegunera, 16:00etatik 20:00etara. aurkezpena hilaren 15ean egingo dute Parean elkarteko kideek, 18:00etan.
Bukatzeko Eskola Feminista ixteko hausnarketarako espazioa zabalduko du Emakumeen Etxeak hilaren 23an, 18:00etatik aurrera; bertan, ikasturtean egin diren tailer eta ikastaroetan parte hartu dutenek izango dute elkartu eta hausnartzeko aukera.
