Txapela soinean itzuli dira Taberna eta Chiapuso
Federazioen Grabni txapelketan Gipuzkoa ordezkatu duten EPLEko pilotariak Senior Mailako Eskuz Binakako Trinketeko txapeldunak izan dira.
Ibon Taberna eta Julen Chiapuso, Antton aranbururekin batera. Argazkia: EPLE Bikain EPLEko Taberna eta Chiapuso pilotariak. Txapelak soinean itzuli dira Federazioen Grabni Txapelketatik Gipuzkoa ordezkatu duten EPLEko biak. Senior Mailako Eskuz Binakako txapelak lortu dituzte Trinketean. Gasteizen jokatutako finalean 40-28 irabazi zuten Alcasena eta Larrek osatutako Ipar Euskal Herriko bikotea.
Partida gogorra, ordubetetik gorakoa eta partidaren erdialdera arte indarrak oso berdinduta, markagailua bezala. Hogeigarren tantoak ezarri zuen diferentzia, hortik aurrera Ibon Taberna eta Julen Chiapusok hasierako erritmo biziari eutsi zioten, baina kontarioek ez zuten asmatu aurre egiten.
Epleko bi pilotariak, sasoi betean dira datorren asteburuan hasiko den Kluben Euskal Ligako Trinketeko lehen jardunaldiari aurre egiteko.
Ezker Pareteko Senior Mailako larruzko Paletako finalean oso bestelakoa izan zen emaitza. Brosak eta Rubenek ez zuten aukerarik izan Nafarroako bikotearen kontra. 35-13 utzi zuten markagailua eta txapela ez, baina Grabni txapelketan txapeldunorde Brosa eta Ruben; emaitza bikaina.
Fanderian jokatutako partidetan, berriz, Bandres eta Askasibar alebinek 16-14 irabazi zuten. Ortiz de Urbina eta Orbegozo manista seniorren garaipena lau t’ erdian, 22-18 eta 22-16, hurrenez hurren, eta Oiarbide kadetearen porrota, 8-22.
